ဘယ်လိုလဲ မိသဲညှာ
÷÷÷÷÷÷÷÷÷÷÷
ထန်ညက်ခဲလေး ပြယုံလောက်နဲ့
ငါ က
အမြီးနံ့ ပြရလောက်အောင်
ခွေး တစ်ကောင်မှ မဟုတ်ခဲ့တာလေ
ပွဲလန့်တိုင်း ဖျာခင်းရအောင်လည်း
ငါ က
ရာသီတော် ၁၂ ပွဲဈေးသည်လို
လူတစ်ယောက်မှ မဟုတ်ခဲ့တာလေ
မုသားမပါ လင်္ကာမချောပေမယ့်
လျှာနှစ်ခွနဲ့ မြွေဟောက်ထက်
နင် က
ပိုဆိုးခဲ့ပါတယ် မသဲညှာ
အိုင်တွေ့တိုင်း ခြေဆေးတယ်ပြောတာက
ငါတို့ ယောက်ကျားတွေအတွက်
နင်တို့ ပြောနေကြလက်သုံးစကား
ခုများတော့ ဟာ
မရွှင်အသည်းနာလို့ ရင်ကွဲတာတွေကို
ပေတရာမှာ မကြော်ငြာ နေတော့ဘူး
ကျား တကာတွေရဲ့ ရင်ခွင်ကိုမှ
ကစားစရာလို့ ထင်နေသ၍တော့
ဒီမှာ
နင် .......
ဖြစ်သွားလိမ့်မယ် မိသဲညှာ ရေ ...။
No comments:
Post a Comment